Estás na nosa rede, o blog das arañas de 4ºB do C.E.I.P. A LOMBA, unha tea que comezou a tecerse no curso 2013-14. Aquí atoparás moitas das cousas que facemos no noso día a día na escola: xogos para aprender, vídeos, música e moita información interesante que vamos tecendo pouco a pouco.
ENRÉDATE NA NOSA TEA!!
As arañas pensamos que a celebración do Día da Paz no cole foi
mooooooi doce, gustounos tanto que ademais de doar as nosas tabletas de
chocolate para que a Fundación Amigos de Galicia as reparta entre as
familias que o precisen fomos máis aló.
Elaboramos un
programa especial de radio que cubriu a nosa celebración e informou
sobre todos os aspectos importantes de "A PAZ MÁIS DOCE". Se queres
saber máis dalle ao PLAY!
Se queres saber o que CANAL RÍAS BAIXAS dixo de nós dalle ao PLAY . Se prefires botar un ollo na prensa escrita entra no FARO DE VIGO, pero non esquezas entrar na web de AMIGOS DE GALICIA para ver as fotos que nos fixeron durante a visita.
Ola arañas! Veño cos vosos contos recén saídos do forno.
Para os que non o sabedes, nun dos nosos últimos Clubes de Lectura lemos o libro "Los traspiés de Alicia Paff", escrito por Gianni Rodari e editado por Anaya. Esta vez a nosa lectura foi en castelán.
Cando rematamos o libro propúxenlle ás arañas que inventasen novos traspés, novos capítulos para esta pequena Alicia. Se queredes escoitar as novas aventuras, abride as orellas:
Acordeime tamén que na clase temos un libro que fala dun grupiño de animais que queren subir a darlle un bocadiño á Lúa. atopeino en LIM por se queres botarlle un ollo e facer os xogos e actividades.
Pequenas artistas? Noooooooon, estas arañas son unhas grandes, moi grandes artistas. Mirade os nosos traballos plásticos sobre o outono:
Para que pasedes un ratiño divertido e entretidos nestas tardes chuviosas do outono quero deixarvos algún que outro xogo sobre esta estación do ano. Mirade, mirade:
Botádelle un ollo ó conto XAIME E AS LANDRAS...
Agora se vos apetece podedes facer estas actividades relacionadas co conto...
Se o que vos apetece é ler uns preciosos poemas sobre o outono escritos polos nenos e nenas de 5º do CEIP A Maciñeira, xa sabedes o que tedes que facer. Non?
Este ano o Día das Letras Galegas está adicado a un lucense, coma min, ao poeta de Guitiriz, ferido por sempre pola beleza, Xosé María Díaz Castro.
Se queredes investigar e coñecer máis sobre o poeta podedes premer AQUÍ, e se estades con ganas de xogo podedes premer AQUÍ e amosar todo o que sabedes sobre Díaz Castro e o Día das Letras Galegas.
En 1987, cando Xosé María aínda vivía, a TVG gravou un documental sobre a súa vida e a súa poesía, aquí o tedes por si vos apetece velo.
Buscando e rebuscando pola rede, atopei un conto ilustrado titulado "O NENO E A ESTRELA", editado por Fabaloba. Unha preciosa historia chea de cor, beleza e palabras fermosas onde se nos amosa a un noviño Xosé Días Castro na aventura de devolver unha estrela ao seu lugar no universo.
Ola a todas as arañas e as que non o sodes pero nos visitades de cando en vez pola nosa tea.
Hoxe quero que vexades o resultado final dun proxecto que comezamos hai xa uns meses: unha representación de teatro de monicreques que fixemos para os compañeiros e compañeiras de infantil e primeiro ciclo do cole. Con todas e todos vós... "GRISELO".
Foi todo un éxito, tanto que ata os nosos veciños e veciñas de 2ºB "OS PICHÓNS DA LOMBA" escribiron sobre nós no seu blog, mirade mirade... OS PICHÓNS DA LOMBA
A pasada semana descubrimos unha nova pequena xoia literaria, un libro ilustrado ben chulo no que con catro letras de nada, as letras de OMAR, o vento e os soños fan marabillas. Mirade e escoitade:
Continúan os CONTOENCONTROS o xoves 27 ás 18:00. Para esta segunda cita cambiamos a nosa Lagoa de Rosalía pola Casa da Cultura de Vilagarcía (Rúa Alcalde Rey Daviña) donde Lola, a profe de teatro, nos vai contar o conto A CASA DE CARTÓN.
Este luns desfrutamos do noso momento de lectura na biblioteca de Rosalía, xa sabedes que a nosa tea se traslada alí cada primeiro e terceiro luns de mes, á ra Rosalía encántalle pasar un pedaciño de tempo cunhas arañas tan boas lectoras coma nos.
Nesta sesión desfrutamos moito cunha historia que nos contaba a historia do APALPADOR, ese carboeiro do Courel que cada nadal vai, pola noite, apalpando as barriguiñas dos nenos e nenas de Galiza. Mirade e escoitade outro conto do Apalpador:
Ola a todas as persoas e persoiñas que vos achegades por aquí de cando en vez a ver como van as cousas pola nosa tea.
Hoxe foi un día ben emocionante porque por primeira vez neste curso chegounos unha carta, era de Augusto, o creador de 11 MANERAS DE LLEGAR A LA LUNA, e a súa compañeira Marthazul.
Se queredes saber máis de MARTHAZUL premede AQUÍ
Se queredes saber máis de AUGUSTO METZTLI premede AQUÍ
Hai xa unha semaniña que lles escribimos unha carta decíndolles cantísimo desfrutáramos do seu libro na clase, tamén aproveitamos para invitalos a vir cando eles quixeran para coñecernos, falar e preguntarlles todas as cousas que nos gustaría saber. Ben pois dentro de ben pouquiño estarán pola nosa tea... xa vos contaremos máis, por agora mirade todos os agasallos que nos mandaron na súa carta, como se nota que son artistas.
Hoxe, na nosa rede, as arañas escoitamos e vimos un conto moi apropiado para estas datas do samaín nas que atopamos cabazas por cada esquina. Mirade e escoitade...
Tamén escoitamos a música e cantamos o estribillo:
"NON VIN VELLA NIN VELLIÑA, NIN VELLIÑA NIN VELLÓN.
Ola a todas e todos. Hoxe, o grupiño que asiste ás actividades alternativas á relixión católica, estivemos lendo e ollando o conto "PERDIDO?" de Oliver Jeffers. É un conto precioso que descubrín cando vivía en Irlanda, fai xa moitíííííííííííísimos anos, pero casualidades da vida que dúas semáns atrás atopeino na tenda A Pita Cega de Vilagarcía, sitio que Vos recomendo visitar se algún día queredes mercar contos e libros ilustrados.
"Perdido?" Fala do importante que é na vida vivir acompañado dos outros, dos amigos, da nostalxia do fogar e que estar só non é o mesmo que estar perdido.
Durante o tempo da comida empezamos a ver esta curtametraxe basada no conto, aínda que está en inglés as imaxes son moi descriptivas e os que xa coñecen a historia poderán seguila perfectamente. Se quedástedes con ganas de ver o final... DÁDELLE Ó PLAY!!
Ola arañas queridas e demáis amigos e amigas. Dende o comezo desta semán estamos descubrindo, no ratiño da lectura, once maneiras distintantas para chegar á lúa. Supoño que os que non sodes arañas de 1ºB estarédesvos preguntando: Que tolería é esa? Pois de tolería nada de nada, bueno un pouco sí, trátase dun libro titulado "11 MANERAS DE LLEGAR A LA LUNA", creado por Augusto Metztli aquí en Vilagarcía e editado por Taza Lunar Books.
Cada día, dentro da nosa tea, leemos e gozamos de dúas formas disparatadas para alcanzar a lúa, xa queda menos para descubrilas todas. As arañas estamos entusiasmadas por coñecelas todas e crear as nosas propias formas para poñer as nosas patiñas na lúa tamén.
Se tedes curiosidade por coñecer a Augusto Metzli, o creador do libro, podedes ver este pequeno video onde presenta o conto.
Augusto ademáis de idear, escribir, ilustrar e editar este libro, que debo confesar me atrapou dende antes incluso de chegar as miñas mans, é un artista plástico mexicano afincado aquí en Vilagarcía. Se queredes desfrutar coa sua arte e coñecer o seu traballo un pouco máis, premede no enlace que vos levará ata a súa web www.augustometztli.com
Se non eres araña e tes curiosidade mira...
E para remetar, se alguén está interesado/a en mercar o libro ou ver que outras cousas nos ofrece TAZA LUNAR BOOKS, só tedes que premer neste enlace www.tazalunarbooks.com
Nestes primeiros días do curso as arañas atopámonos con Mara nun libro titulado ORELLAS DE BOLBORETA, moito nos gustou esta historia, tanto que decidimos contala nos mesmas. Mirade e escoitade porque o conto xa comeza...
